حل مشكلة النسيان اثناء المذاكر في خطوات
 |
| حل مشكلة النسيان اثناء المذاكره |
مشكلة النسيان في كام نقطة هنتكلم عنهم :
١ - ذاكر من مصدر واحد ، و حل من كذا مصدر إن استطعت 🌸 .. ٢ - ذاكر بتركيز تام ، و في مكان هاديء بمعني بلاش اسمع أغاني مثلاً و أنا بذاكر أو يكون الفون جنبي افتح الفيس كل خمس دقائق ؛ فصاحب بالين كذاب 👌🏻.. ٣ - أنا اخدت درس اذاكره اول بأول ثم اطبق عليه بالحل ، و بعد ما اخلصه هراجع علي الدرس كل اسبوع مره علي السريع بحيث لو فيه حاجه تتحفظ تتحول من الذاكرة قصيرة المدي للذاكرة بعيدة المدي ، اللي هي بتساعدني علي عدم النسيان التام للمعلومة فعند مراجعتها هفتكرها بشكل أسرع 💫 .. ٤ - ذاكر بورقه و قلم مش كل حاجه هتتكتب طبعاً بس شغل حواسك و اعمل حاله لنفسك كدا أثناء مذاكرتك ، تخيل إنك بتشرح لحد مثلاً و بتبسطله المعلومه ✍🏻 .. ٥ - المواد العلمية [ كيمياء ، فيزياء ، رياضة - أحياء - جيولوجيا ] فيها حاجات لازم تتفهم الأول لأن دا هيساعدك في عملية الحفظ و مفيش مادة حفظ فقط ، الطالب اللي يعتمد علي الحفظ الأعمي دون فهم مع النظام الجديد هيتعب جداً 🤷🏻♂️ .. ٦ - كلمات الإنجليزي ، اللغة الثانية دي حفظ و بتتجزأ علي مدار الأسبوع [ ورقة قلم ] ، الكلمات الصعبة هتقسمها لمقاطع صغيره هتضبط معاك إن شاء الله 🌸 .. ٧ - المبررات ابعد عنها متقولش أصل أنا معرفتش أذاكر الدرس اللي اخدته أو نسيت اعمل واجبه عشان آي سبب من الأسباب ، دا لو عاوز تتقدم للأحسن في حياتك 🤝🏻 .. - - - - - - - - - - - - - - - - ¤ أخيراً : - لازم تجمد و تعافر ، وقتك تستغله صح ، دا تحدي و أنت اتحطيت فيه 👏🏻 ، عايز تمشي مع القطيع ! مفيش حد هيجيب درجات و الوزير قال إن الأول علي الجمهورية 80% ، قول لنفسك لو آخرها كدا أنا اللي هجيب 80% 🤩 ، الفكره مش درجات الفكره كلها في أنت تعبت و لا لأ ؟ أنت صحيت بدري و لا لأ ؟ بكيت كام مره بسبب إنك مش عارف تذاكر ، كل دا مسألة وقت و هيعدي ⏰ ، فعديه و أنت كسبان و أنت محقق هدفك أحسن ما تعدي و أنت بتأنب ضميرك علي تقصيرك بعد كدا ! - لسه بدري للي مضبطش نفسه في المذاكرة ، لسه بدري للي متراكم عليه دروس 👀 ، حتي لسه بدري للي مبدأش بس يبدأ و يفوق لنفسه و يعرف إن ربنا مش هيضيع التعب والسهر دا هباءً ✋🏻 ، لسه بدري صدقوني و هنتقابل آخر السنة و نشوف نتيجة كل واحد فرم نفسه لأجل إنه يحقق حلمه و يفرح أسرته ♥️ ، و الله الموضوع في إيدك بس انت أبدأ و اسعي 🙇♂️ .. - آسف ع الإطالة ، تمنياتي لكم بالتوفيق و كل خير 🤍 .. #منقول من احدي جروبات واتس
🌸 مش عاوز غير دعوه وليكو بالمثل 💙
تعليقات
إرسال تعليق